BRAIN EVOLUTION

Movie night

Гадны хэл дээр кино үзэх нь тухайн судлаж буй хэлний түвшингээ сонирхолтой байдлаар ахиулахад их нөлөө үзүүлдэг. Та магадгүй ном уншиж, дүрэм, үгсийн сан гэх зүйлсийг хэрэглээндээ ашиглах гэж оролдсоор залхасан бол багахан завсарлагаа аваад судлаж буй хэл дээрээ кино үзэх нь таны сонсгол болон ярианы чадварыг ахиулах сонирхолтой аргуудын нэг юм.

Open mic

Хүн бүхэн урлагт сонирхолтой байдаг түүгээр дамжуулан их зүйлсийг мэдэж, ойлгож авдаг, мөн хүрээллээ тэлж илүү нээлттэй болдог учир сурах үйл явцыг илүү хурцлах зорилготой 'Open mic' буюу 'Нээлтэй микрофон' үйл ажиллагаанд Дуу дуулах, Комеди, Чөлөөт ярилцлага гэх олон зүйлсийг багтаан хөгжилтэй, сонирхолтой байдлаар суралцах орчинг бүрдүүлдэг.

Foosball table

Ширээний хөлбөмбөгийг яагаад тоглох хэрэгтэй вэ? хөгжилтэй, хүн бүхэн тоглож чадна, хамтын ажиллагааг сайжруулна, бусадтай илүү нээлттэй харилцахад туслах юм, мэдээж таны биеийн эрүүл мэндэд тодорхой хувь нэмрийг өгнө. Эрүүл биед саруул ухаан, суралцах үйл явцад тархи их ядардаг учир амрааж байх нь чухал.

Ping pong

Нэрт эмч Daniel Amen ширээний теннисийг "Дэлхийн шилдэг тархины спорт" гэж нэрлэсэн учир нь биеийн дээд болон доод хэсэг зэрэг ажилладаг өндөр түвшний аеробик, мөн гар, нүд хоршин ажиллах, хариу үйлдэл үзүүлэх хурдыг ихэсгэдэг. Ширээний теннис тархины олон хэсгүүдийг нэгэн зэрэг ажиллуулдаг: бөмбөгөө хяналтандаа байлгах, маш богино хугацаанд төлөвлөлт гарган хэрхэн цохих шийдвэрийг гаргадаг

Dance

Бүжгээр тогтмол хичээллэх нь биеийн бүхий л эд эсийг сэргээж, олон тооны эрхтнүүдийг идэвхитэй байлгаж, эмчлэх үйл явцыг бий болгодог. Мөн тархины хэсэг бүрт эерэг эсүүдийг давамгайлах боломжийг олгосноор ой санамж сайжирах, сэтгэл санааг эерэг байлгаж, харилцааны ур чадварыг дээшлүүлдэг.

Darts

Шинэ зүйлд суралцах мөн ачаалалтай ажиллах үед тархи хэт ажиллаж эхэлдэг түүнээс үүдэн стресс, бухимдал үүсэх нь элбэг, тэгвэл Дартсаар хичээллэх нь байгаа онохдоо төвлөрөхийг шаарддаг учир таны стрессийн хэмжээг багасгадаг. Мөн биеийн бичил булчингуудаа удирдан захирах, тархийг хамгийн доод герцээр идэвхитэй байлгадаг нь тархины дасгал болдог.

Book Readers

Ном унших нь олон талын ашиг тустай байдаг талаар олон баримтууд нотлон харуулдаг. Өндөр хөгжилтэй орны хүмүүс жар дал хүрч тэтгэвэрт гардаг ч ухаан санааны хөгшрөл, доройтолд орохгүйн тулд эмчид үзүүлэхээр яваад байдаггүй, уншсан номынхоо тухай харилцан ярилцаж маргах сайн дурын бүлгэм дугуйланд хамрагдах болсон байна. Тийм ч учираас номыг хамтаараа уншиж мэдлэгээ хуваалцахын тулд клубын үйл ажиллагааг зохион байгуулах нь ашиг тустай юм.

Sport stacking

Спорт өрөлтөөр бүх хүн хичээллэхэд хялбар байдгаас гадна гар, нүд хоршин ажиллах чадвар, амбицыг сайжруулах, загварчлах, логик сэтгэлгээг хөгжүүлж өгдөгөөрөө давуу талтай. Загварчилах, логик сэтгэлгээ нь унших, бичих, арифметикийн үндсэн суурь юм.

Сонирхуулахад биеийн хүчний спортоор хичээллэх нь шинэ эсийг бий болгож тархины үйл ажиллагааг хурцалдаг бол дараа нь спорт өрөлтөөр хичээллэх нь шинээр үүссэн эсүүдийг тогтворжуулан нягтшуулдаг байна.

Chess

Шатар тоглож, шатрын онол судлаж, номтой харьцаж сурснаар бүртгэх, төлөвлөх, тооцоолох, сонгох, судлах, задлан шинжлэх, нэгтгэн дүгнэх, шийдвэр гаргах зэрэг сэтгэн бодох ур чадваруудыг эзэмшдэг. Нөгөө талаас Шатарчид сайн өрсөлдөгч байхын тулд судлаач, сэтгэл зүйчийн ур чадварыг зайлшгүй эзэмшдэг. Мөн сэтгэл зүйн /нервийн/ хатуужил суулгадаг. Шатарын спортоор хичээллэдэг хүн нүүдэл эхлэх гараа, урьд тоглосон сайн хувилбаруудыг олж судлах, шинэ нүүдэлд бэлтгэх, дүн шинжилгээ хийх, сэтгэл зүй болон бие бялдарын давуу ба сул талыг нь олж мэдэхийн тулд заавал нэг гадаад хэл эзэмших, өөрийгөө урьдчилан бэлтгэдэг болно

Checkers

Сурах арга барилыг өөртөө төлөвшүүлнэ. Хамгийн эхлээд л тогтвортой сууж сурна, Логик сэтгэлгээг сайжруулна. Тоглолтод амжилт гаргахын тулд нягт уялдаа холбоо бүхий стратегийг сонгох шаардлагатай болно. Өөрийн байрлалд сул тал үүсгэхгүй, өрсөлдөгчийн сул талыг ашиглах, зөвхөн сул тал гэж юу вэ гэдгийг судалж мэдэх гээд тасралтгүй сурах үйл ажиллагаа юм. Бие дааж сурна. Өөрийн дүгнэлтээр чухал шийдвэр гаргах хэрэгтэй болдог. Энэ тохиолдолд хэн ч танд туслахгүй.